Навошта рэгістравацца?

Для ўдзелу ў МедыяБарКэмпе рэгістрацыя абавязковая. Перш за ўсё гэта звязана з неабходнасцю атрымоўваць візы для ўезду ў Літву. Па-другое, з планаваннем мерапрыемства (ад пытанняў, звязаных з колькасцю рэкламнай прадукцыі, да пытанняў пражывання ўдзельнікаў).

Як мoжна зарэгістравацца?

Рэгістрацыя для ўдзелу здзяйсняецца праз тры простых крокі. Спасылкі будуць адчыняцца ў новых вокнах.
Крок 1. Рэгістрацыя на гэтым сайце. Зарэгістравацца на сайце.

Крок 2. Падпіска на рассылку навінаў. Адмыслова для гэтага створаная рассылка на Google. Падпісацца на рассылку ў Google Group .

Крок 3. Апошні, але найважнейшы! Спампуйце анкету, запоўніце яе і дашліце па электроннай пошце на адрас mediabarcamp@gmail.com з тэмай ліста “Application”. Спампаваць файл application_form.xls.
Калі ласка, падтрымаеце МедыяБарКэмп. Дапамажыце нам распаўсюдзіць інфармацыю – змясціце наш банер або спасылку на MediaBarCamp у сваім блогу, інтэрнэт-праекце. Дзякуй.

Узнікае натуральнае пытанне з нагоды месца правядзення МедыяБарКэмпа: чаму ў Літве і ці можна правесці БарКэмп у Беларусі? Пры абранні месца правядзення мы кіраваліся некалькімі чыннікамі.

Візы + рэгістрацыя. Для ўезду ў Беларусь замежнікам патрэбна не толькі віза і медыцынская страхоўка, яшчэ можа запатрабавацца рэгістрацыя, а зарэгістравацца можна далёка не ўсюды і пасля неабходна пражываць па гэтым адрасе. Гэта лішнія праблемы, якіх хацелася б пазбегнуць. У арганізатараў ёсць магчымасць візавай падтрымкі пры атрыманні літоўскай візы.

Wi-Fi. я азумею, што гэта падаецца смешным сёння. Але ў Беларусі Wi-Fi – гэта іміджавы праект манапаліста на рынку правайдэрскіх паслугаў. Займець бесправадное Сеціва для адчыненай бясплатнай для ўдзелу не-канферэнцыі вельмі праблематычна.

Пляцоўка. Калі вы хоць раз нешта арганізоўвалі ў Беларусі, то павінны былі сутыкнуцца з тым, што ў афіцыйна арэндаваным памяшканні “раптам” і “нечакана” ў дзень адкрыцця мерапрыемства пачынаецца рамонт або адключаецца святло ці здараецца ілжывае тэлефанаванне тэрарыста… Ну шмат дробных “поскудзяў”, якія здольныя сапсаваць любое мерапрыемства.

Мы не спрабуем арганізаваць БарКэмп толькі для беларусаў. Наадварот, гэта спроба прыцягнуць зацікаўленых людзей да праблем развіцця новых медыя і медыяактывізму ў рэгіёне.

2. Вы пшыце пра БарКэмп у сваім блогу.

3. Калі мяркуеце, што ў Вас хопіць адвагі выступіць, Вам неабходна занесці сваё імя і тэму ў спіс прэзентацый.

4. Толькі тры словы пра сябе.

5. Як мага больш прэзентацый за адведзены час.

6. Ніякіх афіцыйных дакладаў, ніякіх разявак і турыстаў. Арганізатары не-канферэнцыі – самі ўдзельнікі!

7. Вашая прэзентацыя будзе доўжыцца столькі часу, колькі неабходна. Або датуль, пакуль Вас не перапыніць наступны паводле спісу выступоўца.

8. Калі Вы ўпершыню ўдзельнічаеце ў БарКэмпе, Вам НЕАБХОДНА выступіць. Ну добра, добра, гэта неабавязкова. Але хяцяб паспрабуйце знайсці кагосьці, з кім Вы маглі б выступіць разам. На скрайні выпадак – проста займіце актыўную пазіцыю і задавайце шмат пытанняў.

Зараз растлумачым усё па чарзе…

Чаму МедыяБарКэмп?

Мяркуецца, Што адмысловая ўвага будзе нададзеная розным медыяпраектам, якія прэзентуюць пункт гледжання нейкай групы. Не тэлеканалам або радыёстанцыям, а людзям, якія робяць відэаролікі пра тое, чым яны самі або іх сябры займаюцца, вядуць блог аб тым, што думаюць (важна! не проста графаманскі блог, а блог + наяўнасць развітога мыслення), запісваюць падкасты з сябрамі, рыхтуюць фотарэпартажы пра тое, што іх атачае. Гэта значыць усе тыя, у каго ўжо ёсць навык працы з сучаснымі медыятэхналогіямі.
Правілы МедыяБарКэмпа маюць на ўвазе, што ўсе, хто ўдзельнічае у ім, пачуваецца так жа вольна, як і ў прыстойным бары, і пры гэтым абсалютна вольны ў перасоўванні, як падчас пікніка на прыродзе.

Чаму не-канферэнцыя?

Таму, што на традыцыйных канферэнцыях ёсць доўгія і ўсыпляльныя пленарныя даклады, ёсць запрошаныя зоркі і проста слухачы-гледачы. Не-канферэнцыя мае на ўвазе адсутнасць такога выразнага падзелу на тых , хто выступае і тых, хто прыйшоў паслухаць. Калі ёсць жаданне ўдзельнічаць, то трэба рэгістравацца, рыхтаваць прэзентацыю, зрабіць анонс і спасылку на МедыяБарКэмп у сваім блогу або на сваім медыяпраекце. Быць актыўным. Не чакаць, калі скажуць нешта зрабіць, а прапаноўваць і рабіць.

Чаму новыя медыя і медыяактывізм?

Таму, што новыя медыя сёння – гэта новы асяродак існавання культуры. Але не той, якая пыліцца на паліцах у музеях, а культуры, якая ствараецца сёння намі. Наш асяродак, нашы штодзённыя дзеянні – гэта таксама культура. Толькі іншая, якая ў значнай ступені існуе дзякуючы медыя прасторы. І тут адмысловая роля адводзіцца новым медыя (http://en.wikipedia.org/wiki/New_media), а таксама тактычным медыя (http://www.balsas.cc/category/vms/). Сёння здымаць відэа, апрацоўваць фатаграфіі на камп’ютэры стала наколькі проста, што гэта ўжо не з’яўляецца абавязкам адмыслова навучанай “касты” журналістаў. Кожны з нас можа быць сам-сабе тэлеканал, радыёстанцыя, газета – ды ўсё што заўгодна. Тактычныя медыя – гэта сур’ёзна. У Галандыі ўжо адбылося чатыры фэсты тактычных медыя “Next 5 Minutes” (http://www.next5minutes.org/).

Чаму міжнародная?

Таму, што няма абмежаванняў паводле грамадзянства, для таго, каб стаць удзельнікам або ўдзельніцай. Вядома, мы мяркуем, што вялікая частка ўдзельнікаў будзе з Беларусі і Літвы, але падаваць заяўкі і ўдзельнічаць могуць усе жадаючыя, незалежна ад колеру пашпарта, пола, расы, рэлігійнай прыналежнасці і іншых адрозненняў.

Навошта праводзіцца МедыяБарКэмп?

Асноўная мэта мерапрыемства – стымуляваць развіццё новых медыяпраектаў у Беларусі, наладзіць узаемадзеянне ўжо існуючых праектаў і ўсталяваць новыя кантакты сярод медыя-актывістаў.

Заўсёды можна знайсці некалькі галоўных пытанняў, адказы на якія тлумачаць практычна ўсё. Тут сабраныя найболей значныя на наш погляд. Калі вы не знайшлі адказ на сваё пытанне, то напішыце нам.